छगन भुजबळांच्या नावावर ट्रॅक्टर तर बायकोच्या नावावर पिकअप, छगन भुजबळांची संपत्ती किती?

NewsZenn Oct 25, 2024 241 0

नाशिक: २४ ऑक्टोबर रोजी अनेक उमेदवारांनी आपल्या उमेदवारी अर्जांची नोंद केली. यामध्ये राष्ट्रवादी काँग्रेसचे ज्येष्ठ नेते आणि मंत्री छगन भुजबळ यांनी येवला मतदारसंघातून आपला उमेदवारी अर्ज दाखल केला आहे. अर्जासोबतच्या प्रतिज्ञापत्रात भुजबळ यांची संपत्ती १२.५० कोटी रुपये असल्याचे स्पष्ट झाले आहे.

भुजबळ यांची वैयक्तिक जंगम मालमत्ता १ कोटी ३२ लाख ६६ हजार २३५ रुपये आहे, तर स्थावर मालमत्तेचे मूल्य ११ कोटी २० लाख ४१ हजार रुपये आहे. त्यांच्या पत्नी मीना भुजबळ यांच्या नावावर २ कोटी ३८ लाख २९ हजार ५२ रुपये जंगम मालमत्ता आहे, आणि स्थावर मालमत्तेचे मूल्य १६ कोटी ५३ लाख रुपये आहे. भुजबळ यांच्याकडे ५८५ ग्रॅम सोनं आहे, तर पत्नीच्या नावावर ४५५ ग्रॅम सोनं आहे.

भुजबळांच्या नावावर ट्रॅक्टर असून, पत्नीच्या नावावर एक पिकअप वाहन आहे. विविध ठिकाणी मालमत्ता असून त्यामध्ये रहिवासी आणि शेत जमिनींचा समावेश आहे. तथापि, भुजबळ दाम्पत्यावर ४५ लाख ६६ हजार २५० रुपयांचे कर्ज असल्याचे प्रतिज्ञापत्रात नमूद केले आहे.

याशिवाय, भुजबळांच्या नावावर काही केसेस दाखल आहेत, ज्यामुळे त्यांच्या राजकीय कारकिर्दीवर परिणाम होऊ शकतो. शरद पवार विरुद्ध अजित पवार यांच्यातील संघर्षामध्ये बारामतीसह ११ ठिकाणी काका-पुतण्यांची प्रतिष्ठा पणाला लागली आहे.

छगन भुजबळांची संपत्ती किती?
11 कोटी 20 लाख 88 हजारांची स्थावर मालमत्ता
पत्नीच्या नावावर 16 कोटी 53 लाखांची मालमत्ता
पाच वर्षांत भुजबळांच्या मालमत्तेत 82 लाखांची वाढ
पत्नीच्या मालमत्तेत 8 कोटी 35 लाखांची वाढ
2019 साली भुजबळांच्या स्थावर मालमत्ता 11 कोटी 38 लाख 14 हजार
पत्नी मीना यांची 16 कोटी 18 लाख रुपयांची मालमत्ता